«Օրենսդրական այլընտրանք» ծրագրի դասընթացը Գյումրիում
Հուլիսի 12-13-ին Գյումրիում տեղի ունեցավ «Օրենսդրական այլընտրանք» ծրագրի դասընթացը, որի մասնակիցներին «Այլընտրանքային նախագծեր խումբ» հկ-ի նախագահ Էլինար Վարդանյանը ներկայացրեց իրավական տեխնիկային տիրապետելու, օրենսդրական հստակ փոփոխություն կամ նոր առաջարկ ներկայացնելու, այդ առաջարկները ԱԺ օրակարգում ընդգրկելու վերաբերյալ անհրաժեշտ հմտություններ:
Էլինար Վարդանյանը նաեւ կոնկրետ օրինակներով ավելի մատչելի դարձրեց մատուցվող նյութը:
Դասընթացին մասնակցած ՔՀԿ ներկայացուցիչները ստացան կիրառական տեղեկատվություն, որն իրենց կօգնի անհրաժեշտության դեպքում սեփական օրենսդրական առաջարկներն ԱԺ ներկայացնել գրագետ եւ ամբողջական փաթեթով:
Դասընթացը մասնակիցների համար կարողությունների զարգացման կարեւոր հնարավորություն էր։ Գործնական աշխատանքի ընթացքում էլ ամրապնդվեցին ձեռքբերված հմտությունները հատուկ հանձնարարականների միջոցով: Գործնական աշխատանքը հնարավորություն կտա հետագայում տեսական գիտելիքները հեշտությամբ կիրառել պրակտիկայում:
Հիշեցնենք, որ դասընթացը կազմակերպվել էր «Այլընտրանքային նախագծեր խումբ» ՀԿ-ի կողմից իրականացվող «Օրենսդրական այլընտրանք» ծրագրի շրջանակներում, որի նպատակն է քաղաքացիական հասարակության կազմակերպություններին եւ անհատներին ներկայացնել օրենքով սահմանված բոլոր հնարավորությունները, որոնցով նրանք կարող են մասնակցել օրենքների ստեղծման աշխատանքին, աջակցել իրենց հետաքրքրող ոլորտների կատարելագործմանը, նպաստել բոլորիս համար մշակվող օրենքների բովանդակության ստեղծմանը, ինչպես նաեւ նախաձեռնել օրենսդրական փոփոխություններ։
Ավելացնենք, այս ծրագիրն իրականացվում է ԱՄՆ ՄԶԳ-ի աջակցությամբ իրականացվող Եվրասիա համագործակցություն հիմնադրամի՝ ՀԿ Դեպո ծրագրի «ՔՀԿ-ների կայունության ռազմավարություն» դրամաշնորհի շրջանակներում:
